Versão em português 中文版本 日本語版
Polish version La version française Versione italiana
Русская версия English version Deutsch Version

Імёны герояў не забыты

Не сціраецца памяць народная аб тых, хто мужна змагаўся ў гады Вялікай Айчыннай вайны з лютым ворагам і дзеля сённяшняга светлага дня аддаў свё жыццё.

У маі 1944 года на рубяжы Арэхаўскага канала, непадалёку ад вёскі Лелікава, партызаны атрада імя Чарнака вялі жорсткі бой з пераўзыходзячымі сіламі гітлераўцаў. В. П. Панасюк, жыхар вескі Фарнональ Брэсцкага раёна, I. С. Цявноўскі, таксама з Брэсцкага раёна, і яшчэ адзін партызан, прозвішча якога пакуль не ўстаноўлена, атрымалі заданне прыкрываць адыход таварышаў. Мужна змагаліся мсціўцы і ў няроўнай барацьбе загінулі. Цаной свайго жыцця яны затрымалі ворага і далі магчымасць выйсці з цяжкага становішча ўсяму атраду.

Толькі праз некалькі дзён жыхары вёскі Лелікава пахавалі мужных партызан на астраўку сярод балот. Напярэдадні 30-годдзя вызвалення Беларусі ад нямецка-фашысцкіх захопнікаў па рашэнню выканкома Дзівінскага сельскага Савета дэпутатаў працоўных астанкі мужных мсціўцаў перанесены і пахаваны ў цэнтры в. Лелікава. На пахаванні быў сын партызана Варфаламея Панасюка Віктар Варфаламеевіч, які цяпер жыве і працуе ў г. Брэсце. Актыўны ўдзел у перазахаванні прынялі калгаснікі Г. П. Дземчык, I. Д. Дземчык, П. А. Шапяцюк, I. П. Трубчык, У. I. Ярмалюк. На магіле партызан адбыўся шматлюдны мітынг жыхароў вёсак, якія цяпер уваходзяць у калгас «Чырвоная звязда».

Макасевіч, М. Імёны герояў не забыты / М. Макасевіч // Камуністычная праца. – 1997. – 2 ліпеня. У маі 1944 г. на рубяжы Арэхаўскага канала, непадалёку ад вёскі Лелікава, партызаны атрада імя Чарнака вялі жорсткі бой з гітлераўцамі.

Популярные материалы



Названия статей

Поиск по сайту

Наши партнеры

Виртуальное путешествие по всему городу Кобрину