Статьи о Кобрине: 1917 - 1941

АЛЬШЭЎСКІ Аляксандр Парфенавіч. Нарадзіўся ў 1893 г. у в. Навасёлкі. У 1915 г. мабілізаваны ў царскую армію. Ваяваў на Заходнім і Румынскім франтах. Пасля Кастрычніцкай рэвалюцыі 1917 г. у Чырвонай арміі. Служыў у 1-м Маскоўскім ахоўным палку (пазней 465-ы полк 52-й стралковай дывізіі). Удзельнічаў у баях з нямецкімі (1918) і польскімі (1919) акупантамі. 3 1920 г. на Паўднёвым фронце, удзельнік штурму Перакопа і вызвалення Крыма. Са снежня 1920 г. служыў у 27-й брыгадзе ВЧК, удзельнічаў у баях з махноўцамі ў раёне г. Мікалаеў (Украіна). У Навасёлкі вярнуўся ў 1922 г. Памёр у 1980 г.

БАРЫСЮК Дзмітрый Сцяпанавіч. Нарадзіўся ў 1899 г. у в. Турная. У 1-ю сусветную вайну з сям'ёй знаходзіўся ў эвакуацыі. У 1917 г. уступіў у рады Чырвонай арміі, дзе праслужыў да 1922 г. У 1923 г. вярнуўся ў в. Турная. (Гл. пра яго таксама ў арт. «Змагаліся ў тыле ворага».)

ВОЙЦІК Мікіта Львовіч. Нарадзіўся ў 1900 г. у в. Асмолавічы. У студзені 1918 г. уступіў у Чырвоную армію. У 1918 г. быў паранены. Пасля лячэння знаходзіўся на Латышскім фронце. У Вялікую Айчынную вайну — сувязны партызанскага атрада імя Шыша.

М. Л. Войцiк                                                                           А. М. Зарэцкi

ЗАРЭЦКІ Ананій Максімавіч. Нарадзіўся ў 1895 г. у в. Навасёлкі. Удзельнік грамадзянскай вайны. 3 15 студзеня 1918 г. да 9 мая 1920 г. служыў у часцях 25-й дывізіі імя Чапаева ў палкавой кулямётнай камандзе на пасадзе інструктара па зброі ў 219-м Дамашанскім стралковым палку. Прымаў удзел у баях за Самару, на Уральскім фронце быў паранены. Пасля лячэння працягваў службу ў 30-м кавалерыйскім палку Чырвоных камунараў. У складзе 1-й Коннай арміі пад камандаваннем С.М.Будзённага накіраваны на Паўднёвы фронт. Прымаў удзел у баях пад Кахоўкай, супраць Урангеля і Махно. (Гл. пра яго таксама ў арт. «Вызначыліся працай».)

ПРАКАПУК Кірыла Іванавіч. Нарадзіўся ў в. Залессе. У 1-ю сусветную вайну — марак Балтыйскага флоту, удзельнік Кастрычніцкай рэвалюцыі. У Заходняй Беларусі — падпольны дзеяч КПЗБ, вязень канцлагера ў Бярозе-Картузскай. Расстраляны фашыстамі ў 1941 г.

К. I. Пракапук                                                                         I. A. Тарасюк

СТЫРЫКОВІЧ Іосіф Георгіевіч. Нарадзіўся ў 1901 г. у в. Воўкава Віцебскай вобласці. У кастрычніку 1918 г. уступіў у рады Чырвонай арміі. Удзельнічаў у савецка-польскай вайне ў складзе 4-га Варшаўскага стралковага палка. У 1924 г. дэмабілізаваўся з арміі.

ТАРАСЮК Іван Архіпавіч. Нарадзіўся ў 1902 г. у в. Шчытнікі Брэсцкага раёна. У 1918 г. добраахвотна ўступіў у Чырвоную армію. Удзельнічаў у баях пад Іжэўскам. У 1919—1920 гг. — тэлефаніст 243-га стралковага палка 27-й дывізіі. Прымаў удзел у баях супраць Калчака. У 1921 г. удзельнік савецка-польскай вайны, падаўлення мяцяжу ў Кранштаце.

ФІСЮК Кірыла Паўлавіч. Нарадзіўся ў 1901 г. у в. Турная ў сялянскай сям'і. У 1-ю сусветную вайну з 1915 г. сям'я была ў бежанстве. 3 1919 г. у Чырвонай арміі, удзельнік грамадзянскай вайны 1918—1920 гг. спачатку ў складзе 4-га Краснаўральскага палка на Усходнім, 3 чэрвеня 1920 г. у складзе 11-й стралковай дывізіі 15-й арміі на Заходнім франтах, прымаў удзел у вызваленні Беларусі ад польскіх інтэрвентаў. У 1921 г. удзельнічаў у падаўленні Кранштацкага мяцяжу. У 1923 г. закончыў 3-ю Заходнюю ваенную школу каманднага складу ў Смаленску, служыў у 2-й Беларускай дывізіі ў Мінску. У 1927— 1938 гг. працаваў у органах Дзяржаўнага палітычнага ўпраўлення БССР, у 1939 г. старшы ня Таварыства садзейнічання абароне, авіяцыі і хімічнаму будаўніцтву ў г. Барысаглебск Варонежскай вобл. (Расія). У 1941 — 1942 гг. служыў у Чырвонай арміі Пасля вызвалення Беларусі ад фашысцкіх захопнікаў працаваў памочнікам пракуроpa БССР, старшым памочнікам пракурора г. Мінска. Узнагароджаны ордэнамі Чырвонага Сцяга, Чырвонай Зоркі, медалямі, дзвюма Ганаровымі граматамі Вярхоўнага Савета БССР і інш. узнагародамі.                                                                                                  К. П. Фiсюк

ХАРЫТАНЮК Васіль Іванавіч. Нарадзіўся ў 1896 г. У 1-ю сусветную вайну ў 1915 г. быў прызваны ў армію, служыў у Фінляндыі. Увосень 1916 г. камандзір узвода 5-й роты 3-га Выбаргскага пяхотнага палка. У 1917 г. дэлегат франтавога з'езда салдацкіх дэпутатаў у Петраградзе. У кастрычніку 1917 г. накіраваны на Паўночны фронт пад Рыгу. У лютым 1918 г. працаваў у Арлоўскай харчовай управе. У гады Вялікай Айчыннай вайны ўдзельнік партызанскага руху. Пасля вызвалення Беларусі ад фашысцкіх захопнікаў быў супрацоўнікам раённага аддзела культуры, дырэктарам парку імя А.В.Суворава.

Падрыхтавала Н.М.Пліско.

• Годы надежды, годы борьбы
• Дакументы сведчаць (Запiска начальнiка Святкоўскага)
• Дакументы сведчаць (храналогiя падзей ў 1919-1938 гг.)
• Дакументы сведчаць (аб утварэннi сельсаветаў)
• Да новага жыцця
• Ён валодаў паэтычным дарам
• З гісторыі аховы здароўя на Кобрыншчыне
• Кобрин во времена Польши
• Кобрин в 1920 году
• Кобрын у апісанні Міхаіла Марчака
• Навасёлкаўскае ўзброенае выступленне сялян 1933 г.
• Судьбоносный 1939
• Сацыяльна-эканамічнае становішча Кобрыншчыны ў 1939—1940 гг.
• Той незабыўны верасень ...
• У гады грамадзянскай вайны і ваеннай інтэрвенцыі
• Удзельнікі Кастрычніцкай рэвалюцыі і грамадзянскай вайны
• У складе Польшчы
• Узнагароджаныя медалём «За ўдзел у абарончай вайне 1939 года»
• Удзельнікі рэвалюцыйных выступленняў на Кобрыншчыне (1921—1939)
• Вернуться назад