РАЧКІ – вёска ў Залескім с/с, за 17 км на ПнУ ад г. Кобрын, 6 км ад чыг. ст.
Камень (на лініі Жабінка–Драгічын), 61 км ад Брэста. Транспартныя сувязі па
аўтадарозе Кобрын–Іванава. 7 гаспадарак, 14 жыхароў (2005).
У 1563 г. Рачка – урочышча-востраў с. Вуглы.
У 1796 г. Рачкі – маёнтак у Кобрынскім пав. Гродзенскай губ.
У 1897 г. пасёлак Рачок (Нятрэба) у Іласкай вол., 3 двары, 33 жыхары.
У 1905 г. ўрочышча, 30 жыхароў, у Гарадзецкай вол.
З 1921 г. ў складзе Польшчы, у Прускаўскай гміне Кобрынскага пав. Палескага
ваяв.; калонія Рачкі – 7 двароў, 53 жыхары.
З 1939 г. ў БССР, з 15.1.1940 г. ў Кобрынскім р-не Брэсцкай вобл., з 12.10.1940
г. ў Закросніцкім, з 16.7.1954 г. ў Залескім сельсаветах.
У 1940 г. існаваў хутар Паўлава-Рачкі, 6 двароў, 30 жыхароў.У Вялiкую Айчынную
вайну акупіраваны ням.-фаш. захопнікамі з чэрв. 1941 г. да ліп. 1944 г.
Паводле перапісу 1959 г. Рачкі – хутар, 76 жыхароў, у 1970 г. – вёска, 42 жыхары.
У 1999 г. 10 гаспадарак, 14 жыхароў, на тэр. Брэсцкай абласной
сортавыпрабавальнай станцыі.
РУХОВІЧЫ – вёска ў Дзівінскім с/с, за 14 км на ПдУ ад горада і чыг. ст. Кобрын,
59 км ад Брэста. На аўтадарозе Кобрын–Дзівін. 80 гаспадарак, 198 жыхароў (2005).
У 1563 г. Руховічы – сяло ў Кобрынскай эканоміі ВКЛ, 11 валок зямлі.
У 1597 г. сяло Сялецкага войтаўства той жа эканоміі.
У 1747 г. Руховічы – маёнтаку Кобрынскім ключы аднайменнай эканоміі, межаваў з
маёнткамі Луцкага езуіцкага калегіума Балоты і Стрыгава. Пасля 3-га падзелу Рэчы
Паспалітай (1795) у складзе Рас. імперыі, у Кобрынскім пав., з 1801 г. ў
Гродзенскай губ. Вёска Руховічы пазначана на карце 1886 г.
У 1897 г. вёска ў Блоцкай (Балоцкай) воласці, 59 двароў 395 жыхароў, 1649 дзес.
зямлі (на 1890), працаваў хлебазапасны магазін.
У 1905 г. 512 жыхароў.
У 1911 г. 446 жыхароў.
З 1921 г. ў складзе Польшчы, у Блоцкай (Балоцкай) гміне Кобрынскага пав.
Палескага ваяв., 77 дамоў, 398 жыхароў.
У 1930-я г. мелася школа. З 1939 г. ў БССР, з 15.1.1940 г. ў Дзівінскім р-не
Брэсцкай вобл., з 12.10.1940 г. да 30.10. 1959 г. ў Хабовіцкім с/с, з 8.8.1959
г. ў Кобрынскім р-не.
У 1940 г. вёска, 106 двароў, 452 жыхары, дзейнічала пач. школа. У Вялiкую
Айчынную вайну акупіравана ням.-фаш. захопнікамі з чэрв. 1941 г. да ліп. 1944 г.
У 1950 г. 35 гаспадарак аб'ядналіся ў калгас імя Жданава (старшыня Ю.Лазарчук).
Паводле перапісу 1959 г. Руховічы налічвалі 314 жыхароў, у 1970 г. – 451 жыхара
(на тэр. Кісялёвіцкага с/с).
У 1999 г. 96 гаспадарак, 225 жыхароў, у складзе калгаса імя Кутузава (з 2004 СВК
«Кутузаўскі»; цэнтр – в. Хабовічы). Ёсць магазін, клуб, школа.
РЫБНА – вёска ў Кісялёвіцкім с/с, за 11 км на ПдУ ад горада і чыг. ст. Кобрын,
56 км ад Брэста. Транспартныя сувязі пааўтадарозе Кобрын–Балоты. 121 гаспадарка,
323 жыхары (2005).
Пад 1631 г. маёнтак Рыбны пазначаны ў дакументах Віленскага цэнтр. архіва.
У 1897 г. Рыбна – вёска, 57 двароў, 372 жыхары; 475 1/2 дзес. зямлі (на 1890),
хлебазапасны магазін, 2 ветраныя млыны; у Блоцкай (Балоцкай) воласці Кобрынскага
пав. Гродзенскай губ.
У 1905 г. ў вёсцы 444 жыхары.
У 1911 г. 509 жыхароў.
З 1921 г. ў складзе Польшчы, у Блоцкай (Балоцкай) гміне Кобрынскага пав.
Палескага ваяв., 41 дом, 272 жыхары.
У 1930-я г. ў вёсцы працавалі школа і чытальня.
З 1939 г. ў БССР, з 15.1.1940 г.ў Кобрынскім р-не Брэсцкай вобл., з 12.10.1940
г. ў Кісялёвіцкім с/с.
У 1940 г. хутары – 120 двароў 534 жыхары, і пасёлак – 15 жыхароў.
У Вялiкую Айчынную вайну акупіраваны ням.-фаш. захопнікамі з чэрв. 1941 г. да
ліп. 1944 г.
У 1949 г. 36 гаспадарак аб'ядналіся ў калгас «Світанне» (старшыня Б.В.Дрык).
Паводле перапісу 1959 г. ў в. Рыбна 540 жыхароў, у 1970 г. – 390 жыхароў.
У 1999 г. 122 гаспадаркі, 332 жыхары, у складзе калгаса «Світанне» (з 2004 ААТ «Кісялёўцы»;
цэнтр – в. Кісялёўцы).
РЫНКІ – вёска ў Тэвельскім с/с, за 20 км на ПнЗ ад г. Кобрын, 6 км ад чыг. ст.
Тэўлі (на лініі Брэст–Баранавічы), 68 км ад Брэста. Каля аўтадарогі Кобрын–Камянец.
14 гаспадарак, 19 жыхароў (2005).
Па пісьмовых крыніцах вядомы з XVI ст. як сяленне ў Трокскім, затым Берасцейскім
ваяводствах ВКЛ.
У 1563 г. Рымкі – сяло ў Глінянскім войтаўстве Кобрынскай эканоміі ВКЛ, 12 валок
зямлі, 12 гаспадарак (сярод іх лаўнік Ш.Рымковіч з сынамі). Пасля 3-га падзелу
Рэчы Паспалітай (1795) у складзе Рас. імперыі, у Пружанскім пав., з 1801 г. ў
Гродзенскай губ.
У 1890 г. Рынкі – маёнтак, уладанне КДашкевіча, 712 дзес. зямлі (разам з
фальваркам Залессе і ўрочышчам Асавіца), і ўрочышча, уладанне М.Каліша, 4 дзес.
зямлі; у Мураўёўскай вол.
У 1897 г. ў маёнтку 4 двары, 43 жыхары, у 1905 г. – 18 жыхароў.
З 1921 г. фальварак у складзе Польшчы, у Мацясоўскай гміне Пружанскага пав.
Палескага ваяв., 3 двары, 5 жыхароў.
З 1939 г. ў БССР, з 15.1.1940 г. ў Кобрынскім р-не Брэсцкай вобл., з 12.10.1940
г. ў Тэвельскім с/с.
У 1940 г. вёска, 25 двароў, 162 жыхары.
У Вялiкую Айчынную вайну акупіравана ням.-фаш. захопнікамі з чэрв. 1941 г. да
ліп. 1944 г.
Паводле перапісу 1959 г. Рынкі налічвалі 97 жыхароў, у 1970 г. – 68 жыхароў.
У 1999 г. 15 гаспадарак, 19 жыхароў, у складзе калгаса «1 Мая» (з 2004 СВК «Глінянскі»;
цэнтр – в. Дзевяткі). Працуе сярэдняя школа.
РЭЧЫЦА – вёска ў Бухавіцкім с/с, каля канала Мухавец. За 21 км на ПнУ ад горада і чыг. ст. Кобрын, 65 км ад Брэста. 4 гаспадаркі, 7 жыхароў (2005). У 1563 і 1597 гг. упамінаецца р. Рэчыца. У 1668 г. Рэчыца – сяло Палескага ключа Кобрынскай эканоміі, 28 валок зямлі; з 1664 г. знаходзілася ва ўладанні Дзівінскага касцёла. Пасля 3-га падзелу Рэчы Паспалітай (1795) у складзе Рас. імперыі, у Кобрынскім пав., з 1801 г. ў Гродзенскай губ. У 1897 г. вёска ў Казішчанскай вол., 12 двароў, 79 жыхароў; 81 дзес. зямлі (на 1890). У 1905 г. вёска налічвала 79 жыхароў. У 1911 г. 102 жыхары. З 1921 г. ў складзе Польшчы, у Падалескай гміне Кобрынскага пав. Палескага ваяв.; аколіца – 17 двароў, 91 жыхар. З 1939 г. ў БССР, з 15.1.1940 г. ў Кобрынскім р-не Брэсцкай вобл., з 12.10.1940 г. ў Засімскім, з 16.7.1954 г. ў Яроміцкім, з 19.7.1976 г. ў Бухавіцкім сельсаветах. У 1940 г. вёска, 41 двор, 109 жыхароў. У Вялiкую Айчынную вайну ў вер. 1942 г. ням.-фаш. акупантамі спалены 33 жыхары разам з вёскай (45 двароў). У 1965 г. на гэтым месцы ўстаноўлены помнік, які таксама ўшаноўвае памяць партызан брыгады імя Чапаева (базіравалася ў раёне вёскі). У гады Вял. Айч. вайны ў лесе, непадалёку ад в. Рэчыца, падпольшчыкі стварылі харч. базу для нар. мсціўцаў. Пасля вайны вёска адрадзілася. У 1950 г. арганізаваны калгас імя Панамарэнкі (старшыня Ц.Анішчук). Паводле перапісу 1959 г. Рэчыца налічвала 109 жыхароў, у 1970 г. – 85 жыхароў. У 1999 г. 8 гаспадарак, 10 жыхароў, на тэр. аблсельгасбуда.
Наши проеты: Туристический Кобрин | Познай Кобрин Все права защищены © 2011-2017. Все изображения защищены их правообладателями. При копировании материалов активная ссылка на http://ikobrin.ru обязательна.